Оваа анализа е реализирана во рамки на проектот „Заедно во борба против корупцијата”, финансиран од Делегација на Европска Унија, преку ИПА програмата – Инструмент за граѓанско општество и медиуми 2016 – 2017. Целта на извештајот е да се оцени природата и типологијата на медиумското известување за (анти) корупцијата во Македонија, како и придржувањето кон водечките принципи на новинарството. Овој истражувачки извештај има за цел да го анализира медиумското известување на теми врзани за корупција во рамки на пет национални телевизии во периодот април – јули 2018 година. Покрај мониторингот на централните вести на целните медиуми, беа реализирани и квалитативни интервјуа со засегнати страни. Резултатите од анализата се презентирани во поглавјата што следуваат. Најголемиот дел од резултатите од статистичката обработка на податоците се презентирани во Анекс 1, додека учесниците со кои беа реализирани квалитативни интервјуа се презентирани во Анекс 2. Извештајот е достапен на следниот линк.